Tankên Tirkiyeyê ketin Raiyê

Tirkiyeyê di çarçoveya operasyona Mertalê Firatê de 12 tank şandin bajaroka Raiyê ya li rojavayê Cerablûsê ya Sûriyeyê. Tirkiye ser sînorê Elbeylî yê Kilîsê sewqiyeta leşkerî hîn zêde kir û xwe amade dike ku bi Artêşa Sûriyeyê ya Azad (ASA) re li derdora Raiyê li dijî DAIŞê operasyonê lidar bixe.

Tankên Tirkiyeyê ketin Raiyê
Kilîs — Li gorî agahiyên ji çavkaniyên ASAyê hatin bidestxistin Asa bi piştgiriya tank û balafirên şer ên Tirkiyeyê li bejahiya rojavayê Cerablûsê pêş de diçe û gelek gund ji destê DAIŞê girtin. ASAyê ji ber şer û pevçûna herêma rojavayê Cerablûsê wek herêma leşkerî ragihand û nahêle sivîl derbasî wê herêmê bibin.

Hat ragihandin ku Tirkiyeyê îro di saet derdora 13.20a de ji bo bajaroka Raiyê sewqiyeta leşkerî kir û gelek leşker sewqê herêmê kirin. Balafirên şer ên Tirkiye û hevpeymanê li derdora bajaroka Raiyê sengerên DAIŞê bombebaran dike û li gel vê yekê Tirkiye wesayita tenduristiyeyê ya zirxî û 8 tang jî di nav de gelek sewqiyeta leşkerî ji bo Ellbeylî ya Kilîsê dişîne.

Li gorî agahiyan ASAyê bajaroka Gavurelî, Kandere û gundê Ginmeyê ji destê DAIŞê girtin. DAIŞ jî ji bo sînorê Tirkiyeyê ji destê xwe nede der, gelek milîtan û alavên leşkerî ji El Babê sewqê herêmê dike.

 

Sputnik

Avatar
Adınız
Yorum Gönder
Kalan Karakter:
Yorumunuz onaylanmak üzere yöneticiye iletilmiştir.×
Dikkat! Suç teşkil edecek, yasadışı, tehditkar, rahatsız edici, hakaret ve küfür içeren, aşağılayıcı, küçük düşürücü, kaba, müstehcen, ahlaka aykırı, kişilik haklarına zarar verici ya da benzeri niteliklerde içeriklerden doğan her türlü mali, hukuki, cezai, idari sorumluluk içeriği gönderen Üye/Üyeler’e aittir.